Türkiyənin Azərbaycandakı yeni səfirinin təyinatı rəsmiləşib

Türkiyənin Azərbaycandakı səfirliyindən bildiriblər ki, yeni səfir Türkiyə Xarici İşlər Nazirliyinin baş direktor müavini Erkan Özoral-dır. Onun yaxın vaxtlarda Azərbaycanda fəaliyyətə başlayacağı gözlənilir.

Qeyd edək ki, Erkan Özoraldan əvvəl Türkiyənin Azərbaycandakı səfiri İsmail Alper Coşkun idi. O, 2012-ci ildə Azərbaycana səfir təyin edilmişdi.