Türkiyənin Şanlıurfa vilayətində terrorçular tərəfindən növbəti partlayış törədilib.

Hadisə Viranşehir-Şanlıurfa şosesində yerləşən Kırlık polis bölməsinin yaxınlarında yola basdırılan partlayıcı qurğunun işə düşməsi nəticəsində meydana gəlib.

Partlayış anında ərazidən keçən zirehli polis avtomobilində olan 4 polisin yaralandığı bildirilir.

Yaralananlar xəstəxanaya yerləşdirilib. Terroristlərin axtarışı üçün əməliyyat tədbirləri başlanıb.