Ukraynanın daxili işlər naziri Arsen Avakovun istefası tələb ilə onun Kiyevdəki evinin qarşısında aksiya keçirilib. Aksiyanı "avtomaydançılar" adlandırılan qrup təşkil edib.

Abzas.net xəbər verir ki, bu barədə təşkilatçılar sosial şəbəkədə məlumat yayıblar. Etirazçılar Avakov-u polisdə uğursuz islahatlar aparmaqda, korrupsionerləri himayə etməkdə ittiham edirlər.

Onlar həmçinin, daxili işlər nazirini 2014-cü ilin qışında Kiyevin Müstəqillik Meydanında aksiyaçılara qarşı güc tətbiqində günahlandırırlar.

Aksiyada bir neçə yüz fəalın iştirak etdiyi bildirilib.