Bu gün Belçikanın paytaxtı Brüssel şəhərində Avropa İttifaqı Şurasının Prezidenti Şarl Mişel, Azərbaycan Prezidenti İlham Əliyev və Ermənistanın Baş naziri Nikol Paşinyan arasında üçtərəfli görüş keçiriləcək.
Görüş “Şərq Tərəfdaşlığı” proqramının dekabrın 15-də keçiriləcək sammiti ərəfəsində baş tutacaq.
Əvvəlcə Prezident İlham Əliyevlə Şarl Mişel arasında ikitərəfli görüş olacaq.
Avropa İttifaqı Şurasının Prezidenti daha sonra Nikol Paşinyanla danışıqlar aparacaq.
Sonra isə liderlər arasında üçtərəfli görüş keçiriləcək.
Daha sonra, Azərbaycan prezidenti Şimali Atlantika Şurasının iclasında iştirak edəcək.
Məlumata görə, Alyansın mənzil qərargahında Prezident İlham Əliyevlə NATO-nun baş katibi Yens Stoltenberq arasında görüş olacaq.
Görüşdən sonra liderlər mətbuat konfransı keçirəcəklər.
Azərbaycan Prezidenti İlham Əliyev Avropa İttifaqının Şərq Tərəfdaşlığı Proqramının VI sammitində iştirak etmək üçün dünən Belçika Krallığının paytaxtı Brüsselə işgüzar səfər edib.
