Avropa Şurası Parlament Assambleyası siyasi partiyalar və seçki kampaniyalarına xaricdən gələn ianələrin şəffaflığına və nizamlanmasına dair qətnamə qəbul edib.

AŞPA üzv ölkələrdə siyasi partiyaların hesabına xaricdən gələn maliyyələrin qanunsuz olması ilə bağlı son zamanlar daxil olan məlumatlardan narahatlığını bildirir. AŞPA bu ianələrin dövlətlərin suverenliyi, bütövlüyü və ölkənin siyasi və demokratik proseslərinə arzuolunmaz təsirləri ola biləcəyindən narahatdır.

Üzv dövlətlər xaricdən gələn bu ianələrin nizamlanması zamanı mövcud olan boşluqların aradan qaldırılması məqsədilə konkret tədbirlər görməyə çağırılır.

Qətnamədə Avropa Şurasına istər üzv olan, istərsə də olmayan ölkələrin digər bir ölkənin siyasi partiyalarına ianələr göndərmək yolu ilə demokratik proseslərinə təsir etmək cəhdləri pislənilir və bunun baş verməsinin qarşısının alınması üçün üzv dövlətə konkret tövsiyələr ünvanlanır.