Xarici İşlər Nazirliyi Ukraynada həlak olan 5 Azərbaycan vətəndaşının cənazəsinin Azərbaycana yola salınması ilə bağlı məlumat yayıb. 

 Nazirliyin Mətbuat xidməti idarəsinin rəisi Leyla Abdullayeva deyib ki, Ukraynadakı vəziyyətlə əlaqədar həlak olan 5 Azərbaycan vətəndaşının, o cümlədən Odessadan Moldova istiqamətində şəxsi təşəbbüsləri ilə təxliyəyə çalışan və Kuçurqan keçid məntəqəsində naməlum şəxslər tərəfindən odlu silahlardan açılan atəş nəticəsində dünyasını dəyişən 1975-cı il təvəllüdlü İsmayılov Nemət, 1966-cı il təvəllüdlü İsmayılov Rəhim, 1994-cü il təvəllüdlü Əlizadə Azər, 1997-ci il təvəllüdlü Salmanov Camal, habelə Xarkovda açılmış atəş nəticəsində həlak olan 1987-ci il təvəllüdlü Məmmədov Qoşqarın nəşi 14 mart tarixində Moldovanın Kişineu şəhərindən xüsusi maşınlarla Rumıniya və Bolqarıstan ərazisindən keçməklə Türkiyəyə, oradan isə təyyarə ilə Azərbaycana yola salınıb.

Onun sözlərinə görə, həlak olan vətəndaşların cəsədləri bu gün "Azərbaycan Hava Yolları"nın İstanbul-Bakı reysi ilə vətənə gətiriləcək və yaxınlarına təhvil veriləcək. Ancaq [ötən gün XİN sözçüsü Abzas Medianın bu istiqamətdəki konkret suallarını cavablandırmayıb.