Bu gün vəkil Fuad Ağayev 2 saylı cəzaçəkmə müəssisəsinə REAL Hərəkatının sədri İlqar Məmmədovla görüşə gedib
Abzas.net xəbər verir ki, vəkil İlqar Məmmədovla görüşə bilməyib.
Fuad Ağayev 1 saata yaxın gözlədildikdən sonra, ona İlqar Məmmədovla görüşə bilməyəcəyini deyiblər. Bildiriblər ki, görüş otağında istintaq aparıldığı üçün görüş mümkün deyil.
XATIRLATMA
İlqar Məmmədov 2013-cü il yanvarın 23-24-də İsmayıllıda baş vermiş hadisələrlə əlaqədar həbs olunub. Məmmədov asayiş bərpa olunduqdan sonra şəhərə getsə də, onu kütləvi iğtişaşların təşkilində, polisə müqavimət göstərməkdə günahkar bilərək 7 il azadlıqdan məhrum ediblər.
2014-cü ilin mayında AİHM qərara alıb ki, İ.Məmmədovun həbsi və həbsdə saxlanması ilə Avropa İnsan Hüquqları Konvensiyasının bir çox maddəsi, o cümlədən 5.1, 5.4 və 6.2-cı (azadlıq və şəxsi toxunulmazlıq hüququ, ədalətli məhkəmə və təqsirsizlik prezumpsiyası və s.) maddələri pozulub. Məhkəmə belə nəticəyə gəlib ki, İ.Məmmədov hər hansı sübut olmadan saxlanılıb.