Əfqanıstanın paytaxtı Kabildə terror aktları baş verib.
Abzas.net "Associated Press"-ə istinadən xəbər verir ki, terrorçular ard-arda iki partlayış törədiblər.
Hadisə nəticəsində 25 nəfər həlak olub. Onlardan 8 nəfərinin jurnalist olduğu bildirilir.
Məlumata görə, motosikletdə hərəkət edən birinci kamikadze-terrorist əfqan kəşfiyyatının qərargahının yaxınlığındakı partlayıcı qurğunu işə salıb.
Təxminən 15 dəqiqədən sonra, hadisə yerinə polis və jurnalislər gəldikdə isə ikinci kamikadze-terrorist bombanı kütlənin içində partladıb.
İkinci bombanı partladan terrorist, ora daxil olmaq üçün özünü jurnalist kimi təqdim edib.
Ölən jurnalistlər içində "France-Presse" agentliyinin fotoreportyoru, "Azadlıq Radiosu"nun 3 əməkdaşı, eləcə də əfqan kanalları olan "Tolo News", "1TV" и "Jahan TV"-nin jurnalistləri olub.
Hadisə nəticəsində həlak olanlardan əlavə, polis və jurnalistlər də daxil olmaqla 45 nəfər yaralanıb.
Partlayışlara görə məsuliyyəti İŞİD öz üzərinə götürüb.