Prezident İlham Əliyevin avqustun 21-də imzaladığı sərəncamla Sabir Nağı oğlu Nağıyevə general-leytenant ali hərbi rütbəsi verilib.

Sabir Nağıyev Xüsusi Dövlət Mühafizə Xidmətinin zabitidir. O, 2013-cü ildən indiyə kimi general-mayor hərbi rütbəsi daşıyıb.

Sabir Nağıyev Dövlət Təhlükəsizliyi Xidmətinin rəisi, general-leytenant Əli Nağıyevin qardaşıdır.

Onların daha bir qardaşı general-leytenant Vəli Nağıyev 2015-ci ildən Azərbaycan Respublikası Dövlət Miqrasiya Xidməti rəisinin birinci müavini vəzifəsindədir.

Bu sərəncamdan sonra hər üç yüksək vəzifəli qardaş general-leytenant ali hərbi rütbəsində xidmət etməyə başlayıb.

Bundan başqa, prezidentin digər sərəncamı ilə XDMX-da vəzifə tutan Bəhlul Lətif oğlu Əliyevə də general-mayor ali hərbi rütbəsi verilib.