Fevralın 24-də “Abzas Media” işi üzrə həbs edilən jurnalist Nərgiz Absalamovanın həbs müddəti 3 ay uzadılıb.

Onun vəkili Rövşanə Rəhimli bildirib ki, Xətai Rayon Məhkəməsi istintaq orqanının təqdimatını təmin edib və Absalamovanın istintaq dövrü üçün həbs müddəti 29 maya qədər uzadılıb.

Məhkəmədə ifadə verən Nərgiz Absalamova ittihamları rədd edib və jurnalistika fəaliyyətinə görə həbs olunduğunu bildirib.