Yunanıstanın paytaxtı Afinada 52 yaşlı Çin vətəndaşı casusluq etdiyi ittihamı ilə qaldığı oteldə həbs olunub.

"Sputnik" agentliyi xəbər verir ki, ABŞ-ın Milli Təhlükəsizlik İstintaqları (HSI) qurumu ilə əlaqə quran və əməkdaşlıq edən Yunanıstan polisi aldığı kəşfiyyatdan sonra həbs etdiyi şübhəlinin ABŞ-da da axtarıldığını ortaya çıxarıb.

Şübhəli haqqında 2013-cü ildə ABŞ-da həbs qərarı çıxarılıb.

Dubai üzərindən Afina Eleutherios Venizelos Havalimanına endiyi andan etibarən təqib edilən Çinli, Afinanın mərkəzində qaldığı oteldə həbs edilərək, Afina Apellyasiya Məhkəməsinə aparılıb.