2-ci Dünya Müharibəsində istifadə olunan və milyonlarla insanın ölüm əmrinin verildiyi qırmızı telefon, Hitlerin intihar etdiyi sığınacaqda tapılmışdı. 

Abzas.net xəbər verir ki, faşist liderə məxsus həmin telefon aparatı bazar günü ABŞ-ın Çesapik-Siti şəhərində keçirilən hərracda 240 min dollara satılıb.

Bu barədə KİV-ə "Alexander Historical Auctions" hərrac evinin nümayənədəsi Andreas Kornfild məlumat verib.

Aparatı alan şəxsin adı isə açıqlanmayıb.

Telefonu satışa 1977-ci ildə vəfat etmiş Britaniya siyatətçisi və hərbçisi Ralf Reynerin nəvələri çıxarıb.

Telefon, Almaniyanın təslim olmasından sonra Sovet əsgərləri tərəfindən İngilis zabit Ralf Raynera hədiyyə edilib.