ABŞ prezidenti Donald Trump bildirib ki, İran ABŞ-a "qətiyyən hörmət qoymur" və o, "bir nömrəli terror dövlətidir".

"Report" xəbər verir ki, bunu o "Fox News" telekanalına müsahibəsində deyib.

"İran bizim ölkəmizə qətiyyən hörmət etmir. O, bir nömrəli terror dövlətidir. O, silahlanmaya pul yatırır", — deyə Trump əlavə edib.

ABŞ prezidenti İslam Respublikasına qarşı sanksiyalar mövqeyindən hərəkət edəcəyinə vəd verib və əlavə edib ki, ABŞ "artıq bunu etməyə başlayıb".

O öz hərəkətləri barədə əvvəlcədən xəbərdarlıq etməyəcəyini bildirib. Trampın sözlərinə görə, o, xələfi Barack Obamanı həmişə "Mosula və ya digər dövlətlərə qoşun çıxaracağı barədə əvvəlcədən xəbər verdiyinə" görə tənqid edib.