ABŞ prezidenti Donald Trump NBC, ABC, CBS, CNN televiziya şirkətlərini və The New York Times qəzetini amerikan xalqının düşməni adlandırıb.

Bu barədə o özünün Twitter hesabında yazıb.

"Yalan xəbər KİV-ləri (The New York Times, NBC, ABC, CBS, CNN) mənim düşmənim deyil, onlar amerikan xalqının düşmənidir".

The FAKE NEWS media (failing @nytimes, @NBCNews, @ABC, @CBS, @CNN) is not my enemy, it is the enemy of the American People!

— Donald J. Trump (@realDonaldTrump) February 17, 2017

Fevralın 16-da baş tutan mətbuat konfransında CNN müxbirinin Michael Flynn-in istefası barədə sualına cavabında Trump telekanalı yanlış məlumat yaymaqda ittiham edib. Bundan başqa o KİV-ləri administrasiyasının fəaliyyətinin müsbət nəticələri barədə susmasını irad tutub. "Mən televizoru açıram, qəzetlərə baxıram və görürəm ki, bizim işimizi xaos kimi qələmə verirlər. Əslində isə hər şey əksinədir", - deyə o bildirib.

Fevralın 13-də Michael Flynn Milli Təhlükəsizlik üzrə məsləhətçisi postundan istefa edərək, bu barədə  vitse-prezident Michael Pence və Ağ evin digər nümayəndələrini Rusiya səfiri Seygey Kislyakovla danışıqları barədə tam məlumatlandırdığını bildirib. Trump isə verilən ərizəni imzalayıb.

Sonradan Daily Caller-ə müsahibə verən Flynn, səfirlə sanksiyaları deyil, ABŞ-dan 35 rus diplomatın göndərilməsini müzakirə etdiyini bildirib. Bundan başqa, KİV-ə siyasətçilərin danışıqlarının sızmasından narahat olduğunu qeyd edib.