Ukraynın paytaxtı Kiyevdə Rusiya Dumasının keçmiş deputatı Denis Voronenkov qətlə yetirilib. 

Kiyev polisinin yaydığı məlumata görə, naməlum şəxs keçmiş deputata və yanındakılara odlu silahla bir neçə əl atış açıb. Hücum nəticəsində keçmiş deputat Denis Voronenkov həyatını itirib, iki nəfər isə yaralanıb. Kiyev polisi hücumun sifarişli ola biləcəyini bildirib.

Denis Voronenkova Rusiyada dələduzluq ittihamı ilə cinayət işi açılıb. 2016-cı ildə o ölkədən qaçaraq Ukraynaya sığınıb və bu ölkənin vətəndaşlığını alıb.