ABŞ müdafiə naziri James Mattis Səudiyyə Ərəbistanının paytaxtında dövlət rəsmiləri ilə görüşüb.

Abzas.net xəbər verir ki, ABŞ prezidenti Donald Trump-ın ölkəni ziyarət edə biləcəyini deyən Mattis, güclü Səudiyyə Ərəbistanının ABŞ-ın mənfəətinə olduğunu vurğulayıb.

Səudiyyə Ərəbistanı vəliəhd şahzadəsi Məhəmməd ibn Səlman ilə görüşən Mattis, Səudiyyə ordusunun və gizli xidmətlərinin fəaliyyətlərini tərifləyib.

Mattis, "Bu gün burada Trump-ın Səudiyyə Ərəbistanına gəlməsi ehtimalına qapı açmaq üçün edə biləcəyimiz hər şeyi edirik", - deyə bildirib.

Qeyd edək ki, ABŞ generalı Mattis İraqın 2003-cü ildəki işğalı əsnasında ABŞ qüvvələrini idarə etmişdi.