Fransada baş tutan prezident seçkilərinin birinci turunda qalib gələn müstəqil namizəd Emmanuel Macron, ikinci tur seçki kampaniyasına "erməni soyqırımı"nın simvollarından Komitas olaraq bilinən musiqiçi Soghomon Soghomonyan heykəlinə çiçək qoyaraq başlayıb.

Abzas.net xəbər verir ki, Macron daha sonra "erməni soyqırımı"nı anma proqramına qatılıb.

7 mayda keçiriləcək ikinci tur seçkilərini qazanmasına qəti gözüylə baxılan mərkəzçi Macron ilk tur seçki zəfərinin dərhal sonrasında erməni abidəsini ziyarət etməsi, kifayət qədər diqqətə səbəb olub.

Macron sonda isə bildirib ki, "erməni soyqırımı"nın dünyada tanınması üçün mübarizə aparacaq.