2016-cı ildə Azərbaycanla Avropa İttifaqı (Aİ) arasında aqrar sahədə 240,7 mln. dollarlıq ticarət dövriyyəsi olub. 

"Report"un verdiyi xəbərə görə, bu barədə kənd təsərrüfatı nazirinin müavini Seyfəddin Talıbov məlumat verib.

"Azərbaycana ötən il Aİ ölkələrindən 166,7 mln. dollarlıq məhsul idxal olunub. Azərbaycandan isə 74,7 mln. dollarlıq ixrac həyata keçirilib. Cins heyvan, içkilər, uşaq yeməkləri, tərəvəz konservləri idxalın əsasını təşkil edib. İxracın isə 96%-i fındığın, 1,7%-i nar şirəsinin payına düşüb".

Nazir müavini vurğulayıb ki,  Aİ ölkələri ilə ilə ticarət dövriyyəsinin həcmini artırmaq üçün potensial böyükdür.