2018-ci ilin yanvar-fevral aylarında Azərbaycanın 2 milyard 210 milyon dollarlıq ixracının 2 milyard 31 milyon dolları və ya 92%-i dövlət sektorunun, 173 milyon dolları və ya 7,8%-i özəl sektorun, 6,4 miyon dolları fiziki şəxslərin payına düşüb.

Dövlət Gömrük Komitəsi xəbər verir ki, 2017-ci ilin ilk 2 ayı ərzində 1 milyard 654 milyon dollarlıq ixracın 1 milyard 467 milyon dolları dövlət sektorunun, 161 milyon 720 min dolları özəl sektorun, 23 milyon 595 min manatı fiziki şəxslərin payına düşmüşdü.

Dövlət şikətləri neft, neft məhsulları, qaz və elektrik enerjisi ixrac edir.

Xəbər verdiyimiz kimi, 2018-ci ilin yanvar-fevral aylarında Azərbaycanın ticarət əməliyyatlarının həcmi 3 milyard 661 milyon 979 min ABŞ dolları təşkil edib.

İdxal əməliyyatları 1 milyard 451 milyon 527 min ABŞ dolları, ixrac əməliyyatları 2 milyard 210 milyon 452 min ABŞ dolları təşkil edib. İxrac rəqəmində hesabat dövründə gömrük orqanlarında rəsmiləşdirilməsi başa çatdırılmış ixrac olunan xam neft və təbii qazın dəyərinə dair məlumatlar nəzərə alınmışdır.

Fevralda saldo müsbət 409 milyon 344.38 min dollar, yanvar -fevral ayları üzrə isə müsbət 758 milyon 924 min dollar təşkil edib.

İdxal yanvarda 689 milyon 127 min dollar, fevralda isə 762 milyon 400 min dollar təşkil edib.

İxrac yanvarda 1 milyard 38 milyon 707 min dollar, fevralda isə 1 milyard 171 milyon 744 min dollar təşkil edib.