Bu il Rusiya Kino Akademiyasının “Nika” kino mükafatına Rusiya Kinematoqrafiya Sənətləri Akademiyasının vitse-prezidenti, Azərbaycan Kinematoqrafçılar İttifaqının sədri, Azərbaycanın xalq yazıçısı Rüstəm İbrahimbəyov layiq görülüb. Münsiflər Heyətinin ötən gün keçirdiyi səsverməsinin nəticələri belədir. Bu barədə Turan-a Azərbaycan Kinematoqrafçılar İttifaqından bildiriblər. Mənbənin məlumatına görə, R.İbrahimbəyov bu mükafata “Şərəf və ləyaqətə görə” nominasiyasında layiq görülüb. Bu il nominasiyaların sayına (9) görə lider Andrey Smirnovun “Fransız” filmi olub.