Media nümayəndələrinin çağırışlarına baxmayaraq, "Media haqqında" qanun qəbul edilib.

Qanun Parlamentin bu gün keçirilən iclasında III oxunuşda müzakirəyə çıxarılıb.

Yeni qanun 9 fəsil 78 maddədən ibarətdir.

Media qurumunun yaradılmasından tutmuş, hansı xəbəri verə biləcəyinə qədər hər şeyi əhatə edən qanun müstəqil media nümayəndələri tərəfindən mürtəce hesab olunur. Bir neçə dəfə parlamentin qarşısında aksiya keçirən jurnalistər tələb ediblər ki, qanunun müzakirəsi dayandırılsın. Bildirilib ki, bu qanun Azərbaycanda azad medianı susdurmaq üçün qəbul olunur və dövlətə bu istiqamətdə yeni hüquqlar, eyni zamanda alətlər verəcək.