Ermənistandan böyük miqrasiya gözlənilir, bəzi sosioloqlar bu rəqəmin 200 min nəfərə qədər arta biləcəyini iddia edir. Bu haqda martın 5-də İrəvan-Bakı telekörpüsündə çıxış edən erməni alim, iqtisad elmləri doktoru, professor Aşot Tavadyan deyib. O qeyd edib ki, ermənilərin Ermənistanı kütləvi tərk etməsi həmçinin həm Ermənistan, həm də Rusiya üçün çox pis nəticələrə və ciddi siyasi problemlərə çevrilə bilər. "Bu problemin həlli üçün Ermənistan iqtisadiyyatı güclənməli və ölkədəki işsizliyin səviyyəsi aşağı düşməlidir" - deyə ekspert əlavə edib.