Polisin Söyüdlü sakinlərinə qarşı zorakılıq göstərməsini sosil media hesabından tənqid edən gənc fəal Qiyas İbrahimov bu gün 32 günlük inzibati həbsdən sonra azadlığa buraxılıb. O, inzibati həbs olunanların saxlanma məntəqəsində Söyüdlü hadisələrini tənqid etdiyi üçün saxlanılan digər vətəndaşların da olduğunu bildirir:

"Həbs edilənlərdən biri ilə danışdım. Təsadüfən danışmaq imkanım oldu və həmin gənc oğlan da iyunun 24-də Söyüdlü hadisəsinə sərt şəkildə reaksiya verdiyinə görə gəlib onu da həbs edib, 30 sutka veriblər. Çıxdıqdan sonra daha bir gəncin də bu hadisələrə görə sutkalıq həbs olunduğun bildim. Demək istədiyim odur ki, biz ictimai-siyasi fəaliyyəti olan şəxslərdən daha tez xəbər tuturlar, amma tanınmayan, heç kimin xəbər tutmadığı sutkalıq həbs olunan, haqsız yerə cəzalandırılan gənc insanlar da var. Hətta onlardan bu dəqiqə həbsdə olanı var"- Qiyas İbrahimov Abzas Media-ya bildirib.