“Burda nə qədər gəlir var ki! Qazancımız 5-10 manat qənd, çay puludur. İndi İlham Əliyev baxacaq, deyəcək, gedin qarpız satanlardan da vergi alın”.

Sabirabadın Axıska kəndinin sakinləri əkdikləri qarpızları yığmaq üçün qızmar günəşin batmasını gözləyirlər.

Elə ki gün qüruba enir, işçilər qollarını çirmələyib işə başlayırlar. Sakinlər deyirlər ki, əvvəllər qarpız daha ucuz başa gəlirdi, çünki gübrəni Rusiyadan münasib qiymətə gətirirdilər. Amma ölkədə gübrə istehsal olunandan qiymət artıb və bu da qarpızın bahalaşmasına gətirib çıxarıb.