Avqustun 12-i axşam saat 12 radələrində ReAl Hərəkatı idarə heyəti üzvü, iqtisadçı Natiq Cəfərli polis tərəfindən saxlanılıb. Gecə Nəsimi Rayon Məhkəməsinə gətirilib. Natiq Cəfərli haqqında Nəsimi Məhkəməsində 4 aylıq həbs-qətimkan tədbiri seçilib. İqtisadçının həbsi 2014-cü ildə QHT-lərə açılmış cinayət işi çərçivəsində olduğu ehtimal edilir. İqtisadçının ittiham olunduğu maddələrdən biri "qanunsuz sahibkarlıq"dır.
Vəkil Cavad Cavadov açıqlamasında deyib ki, Natiq Cəfərliyə hüquq müdafiəçiləri İntiqam Əliyevə, Rəsul Cəfərova verilən ittihamlara bənzər ittihamlar veriblər: "Haqqında 4 ay həbs-qətimkan tədbirinin seçilməsi ağır cinayətlə bağlı ittihamlardan xəbər verir"
[video width="576" height="320" mp4="http://abzas.net/wp-content/uploads/2016/08/video-1471037582.mp4"][/video]