Türkiyənin Hakkari vilayətinin Şemdinli ərazisindəki Şemdinli-Yüksekova yolunda yerləşən polis bölməsinin qarşısında terror aktı törədilib.

Türkiyə baş naziri Binali Yıldırımın açıqlamalarına görə, avtomobilə yüklənmiş partlayıcının işə salınması nəticəsində 10 əsgər və 8 mülki şəxs həlak olub, 27 nəfər yaralanıb.

Çukurca rayonunda törədilmiş digər terror hücumunda daha bir əsgər həlak olub.

Əldə edilən ilkin məlumatlara əsasən, keçirilən əməliyyatlar zamanı 8 PKK üzvü zərərsizləşdirilib. Bundan başqa, ərazidəki mağaralardan birində 4 terrorçunun cəsədi aşkarlanıb.

Bölgədə havadan dəstəklənən geniş miqyaslı əməliyyatlar davam edir.