Dünyanın ən yaşlı insanı olduğu iddia edilən, İndoneziyanın Cava adasında yaşayan 145 yaşlı Mbah Gotho, bu qədər çox yaşamasından şikayətlənərək, tək arzusunun ölmək olduğunu söyləyib.

Rəsmi məlumatlara görə dünyanın ən yaşlı insanı ünvanını 122 yaşında ölən Fransız Jeanne Calmentdən alan Gotho, duş qəbul etmək və yemək yemək üçün belə kömək aldığını bildirərək, artıq ölmək istədiyini deyib: "10 qardaşım və 4 yoldaşım ölüb, təxminən 20 il əvvəl özümə məzar yeri satın almışam. Yaşamaqdan bezmişəm, artıq yaşamaq istəmirəm".