İtaliyanın mərkəzində baş verən zəlzələdə ölənlərin sayı 73-ə çatıb.

“Rai News 24” kanalının yaydığı xəbərə görə, zəlzələnin qeydə alındığı ərazilərdə dağıntılar altında qalanların meyitlərinin çıxarılması davam edir. Arkvata-del-Torontoda baş verən 4.9 ballıq afterşokdan sonra daha bir neçə bina dağılıb və bir uşaq ölüb.

X X X

Bu barədə məlumatı İtaliya Vətəndaş Müdafiəsi Milli Xidmətinin mətbuat katibi Immacolata Postiglione keçirdiyi mətbuat konfransında verib.

Postiglione bildirib ki, 63 nəfər Akkumoli, Amatriçe şəhərləri ilə Arkuata-del-Toronto bölgəsində ölüb.

Məlumata görə, hazırda çox sayda itkin var. Bu isə ölsü sayının irəliləyən saatlarda arta biləcəyindən xəbər verir.

X X X

İtaliyanın mərkəzi hissəsində 6,1 bal gücündə zəlzələ baş verib. Bu barədə Avropa Seysmoloji Mərkəzi  (EMSC) məlumat yayıb.

Yeraltı təkanlar yerli vaxtla 01.36-da qeydə alınıb.

Dağıntılar nəticəsində ən azı 14 nəfərin öldüyü məlum olub.