2022-ci ilin iyuluna qədər Bolqarıstan-Yunanıstan İnterkonnektoru (İnterconnector Greece – Bulgaria: IGB) ilə Azərbaycan təbii qazı Rumıniyaya çatdırılacaq.
Bunu Rumınıyanın energetika naziri Vircil Popesku bildirib.
Onun sözlərinə görə, Rumıniya üçün Azərbaycandan nəql ediləcək təbii qaza maraq, prinsipcə, sonda Qara dəniz şelfindəki layihələr üzrə əməliyyatların başlayacağı ilə bağlı nikbin ssenari çərçivəsində nəqliyyat haqları ilə əlaqəli olmalıdır. Rumıniyadakı qaz boru kəmərlərinin operatoru olan “Transgaz” şirkəti artıq yerli istehlakçılardan BRUA boru kəməri ilə çəkilən xərclərə görə ödəniş alır, baxmayaraq BRUA kəməri isə hələki boş qalır.
Qeyd edək ki, Azərbaycan təbii qazı Rumıniyaya BRUA kəməri ilə nəql edilməsi gözlənilir.
V. Popesku bildirib ki, Sofiyada keçirilən Üç Dəniz Təşəbbüsü Sammitində iştirakı çərçivəsində Bolqarıstandakı həmkarı, bu ökənin energetika naziri Andrey Jivkov ilə işgüzar görüşü olub. O bildirib ki, danışıqlarda iki dövlət arasında ikitərəfli münasibətləri gücləndirmək üçün gələcək fəaliyyətlər müzakirə edilib. Eyni zamanda yenilənə bilən enerji (hidro və dəniz küləyi) sahəsindəki gələcək investisiya layihələrində elektrik enerjisi ötürülməsi üçün əlaqənin artması haqqında müzakirələr aparılıb”.
Nazir bildirib ki, Bolqarıstan-Yunanıstan İnterkonnektoru 2022-ci ilin iyul ayına qədər istifadəyə veriləcək: “Yunan limanlarından Azərbaycan qazının və mayeləşdirilmiş qazın BRUA-ya çatması üçün təminat artıq alınıb”.
Qeyd olunur ki, Rumıniya-Bolqarıstan interkonnektoru, eləcə də BRUA layihəsi Xəzər və Aralıq dənizlərindən, Yaxın Şərq və ya Mərkəzi Asiyadan təbii qaz mənbələrinin Mərkəzi və Qərbi Avropa bazarlarına inteqrasiyasını təmin edəcək.
BRUA Macarıstana ildə 4,4 milyard kubmetr, Bolqarıstana 1,5 milyard kubmetr qaz nəql etməyə imkan verəcək.
Uzunluğu 1 318 km olan qaz kəmərinin Rumıniya ərazisindəki tikintisinin ümumi dəyəri 480 milyon avro təşkil edib. Qaz kəmərinin inşasına Avropa Birliyi 179 milyon avro, Avropa İnvestisiya Bankı 50 milyon avro kredit ayırıb. "Transqaz" şirkəti isə layihəyə 149 milyon avro vəsait xərcləyib.
