Siyahıdakı ən kiçik hərbçinin 18, ən böyüyünün isə 37 yaşı var

Müdafiə Nazirliyi Azərbaycanla Ermənistan arasında baş verən son qarşıdurma nəticəsində həlak olan Azərbaycan Silahlı Qüvvələrinin daha 21 hərbçisinin adlarını açıqlayıb.

Sentyabrın 12-dən başlayaraq Azərbaycanla Ermənistan arasında hərbi qarşıdurma baş verib. Hər iki tərəf bir-birini atəşkəsi pozmaqda ittiham edib.

Bundan əvvəl Müdafiə Nazirliyi Azərbaycan Ordusundan 50 hərbi qulluqçunun həlak olduğunu açıqlamışdı. Beləliklə, qarşıdurmalarda həlak olan Azərbaycan hərbçilərinin sayı 71-ə çatıb.

Ermənistanın Baş naziri Nikol Paşinyan 14 sentyabrda etdiyi çıxışında itkilərinin 105 nəfərə çatdığını bildirib.