Bakı Dövlət Universitetinin (BDU) rektoru, keçmiş deputat Abel Məhərrəmova ağır itki üz verib.
Abzas.net xəbər verir ki, Abel Məhərrəmovun qardaşı Məhərrəm Məhərrəmov yanvarın 6-da vəfat edib. Onun bir ay öncə ürəyindən əməliyyat olunduğu bildirilir.
Məhərrəm Məhərrəmov 1956-cı ildə anadan olub. O, Prezident Adminstrasiyasında məsul vəzifədə idi.
O, 2008-ci ildə prezident İlham Əliyevin sərəncamı ilə “Dövlət qulluğunda fərqlənməyə görə” medalına layiq görülüb. Eyni zamanda 2016-cı ildə ölkə başçısının sərəncamı ilə “Tərəqqi” medalı ilə təltif edilib.
Məlumata görə, Məhərrəm Məhərrəmov Prezident Administrasiyasındakı iş otağında ürək tutmasından vəfat edib.