Dələduzluqda təqsirləndirilən Bakı şəhər Prokurorluğunun müstəntiqi Müşfiq Abbasov ev dustaqlığına buraxılıb.
Bununla bağlı Səbail Rayon Məhkəməsi qərar çıxarıb. M.Abbasov ittiham üzrə özünü təqsirli bilmədiyini deyib.
APA-nın məlumatına görə, bir müddət əvvəl Bakı şəhər Prokurorluğunun İstintaq İdarəsinin böyük müstəntiqi Müşfiq Abbasov barəsində Baş prokuror yanında Korrupsiyaya Qarşı Mübarizə Baş İdarəsi tərəfindən Cinayət Məcəlləsinin 308-ci (vəzifə səlahiyyətlərindən sui-istifadə) və 178-ci (dələduzluq) maddələr ilə cinayət işi başlanıb.
M. Abbasov həmin maddələr üzrə təqsirləndirilən şəxs qismində cəlb edilməklə barəsində məhkəmənin qərarı ilə həbs-qətimkan tədbiri seçilib. O, həmin iş üzrə yekun qərarın qəbulunadək vəzifəsindən kənarlaşdırılıb.